सांग सांग भोलानाथ...पाऊस पडेल काय...? हे गीत सर्वांच्या परिचयाचे आहे. मात्र, गेल्या शैक्षणिक वर्षापासून विद्यार्थी (Students) नवे गीत म्हणत आहेत. ‘सांग सांग भोलानाथ, कोरोना (Covid-19) यंदा जाईल काय?’ असे ते गीत. कोरोनाने यंदा दहावी (10th) व बारावी (12th) विद्यार्थ्यांचे ‘कल्याण’ केले. त्यामुळे यंदा दहावी व बारावीत शिकणाऱ्या मुलांना त्याचा हेवा वाटणे स्वाभाविकच आहे. मात्र, काही वर्षामागे या ना त्या कारणामुळे दहावी व बारावी परीक्षेत नापास झाले होते ते खासगीत आता आपल्या समदुःखी मित्रांशी ‘आमच्यावेळी हा कोरोना मदतीला का धाऊन आला नाही’ असे बोलू लागले आहेत. (When will corona virus leave Goa)

कारण त्यांनाही कुणकुण लागली आहे. वर्षभर ऑनलाईनच्या एकाही वर्गाला हजेरी न लावलेल्या विद्यार्थ्यांनाही कोरोनाचा वरदहस्त लाभला. त्यामुळे ही लॉटरी लागण्यासाठी काही समदुःखी विद्यार्थी पुन्हा शाळेत ॲडमिशन करण्याची शक्यता नाकारता येत नाही.

दरम्यान गोव्याच्या (Goa) संचारबंदीत (Curfew) अजून 8 दिवस वाढ करण्यात आली आहे. राज्यातली संचारबंदी 26 जुलै पर्यंत राहणार आहे. मात्र, मागील संचारबंदी आदेश कायम ठेवण्यात आला आहे. त्यामुळे कॅसिनो (Casinos in Goa), मसाज पार्लर व्यावसायिकांचा अपेक्षाभंग झाला आहे. या सगळ्यात शाळा आणि महाविद्यालय बंदच राहणार आहेत.

काय राहणार चालू, काय राहील बंद

- राज्यातल्या जिम 50% च्या क्षमतेने चालु राहतील.

- दुकाने आणि शॉपिंग मॉल सकाळी 7 ते संध्यकाळी 6 पर्यंत चालू राहतील.

- शाळा आणि महाविद्यालय राहणार बंद

- चित्रपटगृहे पण बंद राहणार

- धार्मिक स्थळे खुली होणार; मात्र 15 पेक्षा जास्ती लोकांना परवानगी नाही