Goa Government on Water Shortage: मॉन्सून दाखल होऊन अनेक दिवस झाले असले तरी राज्यात म्हणावा तसा पाऊस झालेला नाही. पावसाने ओढ दिल्याने राज्यातील धरणांमधील पाणीसाठा आटत चालला आहे.

तथापि, पाणी टंचाई उद्भवल्यास राज्य सरकार काय करणार आहे, याबाबतची माहिती जलस्त्रोत मंत्री सुभाष शिरोडकर यांनी दिली.

मंत्री शिरोडकर म्हणाले की, दक्षिण गोवा, तिसवाडी, फोंडा येथे पाण्याची कमतरता नाही. त्यामुळे तिथे पाणी टंचाई उद्भवणार नाही. तथापि, उत्तर गोव्यताील अंजुणे धरणातील पाणीसाठा संपत आला आहे. त्याचा परिणाम जाणवू शकतो.

तथापि, तिलारी धरणाचे पाणी पाडोशे प्रकल्पात आणून या संभाव्य पाणी टंचाईवर मात करण्याचे आमचे प्रयत्न आहेत, अशी माहिती मंत्री शिरोडकर यांनी दिली.