आषाढी एकादशीनिमित्त राज्यातील विठ्ठल मंदिरांमध्ये भाविकांची दाटी होणार आहे. सर्वत्र विठुनामाचा गजर होत असून विठ्ठलवाडी सांगे येथील श्री विठ्ठल रखुमाई देवस्थानातही रथोत्सवानिमित्त भाविकांचा पूर लोटणार आहे.
गोव्यात अनेक विठ्ठल मंदिरे आहेत, पण सांगे गावच्या या मंदिरात प्रवेश केल्यानंतर या भागाचा आनंद लुटताना श्री विठ्ठलाची, रुक्मिणीची व सत्यभामेची मोहक सांवळी मूर्ती पाहिल्यावर आणि चंद्रभागा नदीप्रमाणे वाहणाऱ्या नदीचे पाणी चाखताना आपण पंढरपूरची वारी केल्याचे समाधान प्रत्येक भाविकाला वाटल्याशिवाय राहणार नाही. येथे आल्यानंतर श्री विठ्ठलाचे निवासस्थान पंढरपूर नगरीची आपल्याला प्रकर्षाने आठवण होते.
मंदिरात वर्षभर अनेक उत्सव साजरे केले जातात. भक्तही मोठ्या संख्येने हजेरी लावतात. कार्तिक शुद्ध दशमीपासून सुरू होणाऱ्या कार्यक्रमात कार्तिकोत्सव, कालोत्सव व जत्रा, आषाढी व कार्तिकी एकादशीला भक्तांना गर्भकुडीत जाऊन अभिषेक करता येतो.
कीर्तन, नाटक व पोर्णिमेच्या रात्री नाैकाविहार, रथोत्सव, दशावतारी काला, गोपाळकाला व वद्य प्रतिपदेला पालखी श्रावणी सप्ताह अखंडपणे २४ तास असे प्रत्येक कार्यक्रम मोठ्या उत्साहाने साजरे केले जातात. सातत्याने होणारा विठुनामाचा गजर, पालखी उत्सवात सहभागी होणारे भक्तिरसात न्हाऊन निघालेले भाविक यामुळे हा संपूर्ण परिसर भक्तिमयपूर्ण असा होतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.