Viral Video Dainik Gomantak
गोवा

Viral Video: उंदीर मामाने पळवला गणपती बाप्पाचा मोदक, सोशल मीडियावर व्हिडिओ व्हायरल; फोंड्यातील मजेशीर घटनेने वेधले लक्ष

Mouse Modak Video: गणपतीला प्रिय असलेला मोदक चक्क एका उंदराने पळवून नेल्याचे दिसत आहे. ही घटना पाहून भक्तगण आश्चर्यचकित झाले असले तरी, त्यांनी याला एक शुभ संकेत मानला आहे.

Manish Jadhav

Mouse Modak Video: गोव्यातील गणेशोत्सव हा नेहमीच त्याच्या खास परंपरेसाठी आणि उत्साहासाठी ओळखला जातो. यावर्षीही गोव्यात सर्वत्र गणेश चतुर्थीचा उत्साह शिगेला पोहोचला आहे. याचदरम्यान, सोशल मीडियावर एक व्हिडिओ जोरदार व्हायरल होत आहे, ज्याने भक्तांची मने जिंकली आहेत. नागझर, फोंडा (Ponda) येथील संतोष नायक यांच्या घरातील हा व्हिडिओ असून यात गणपतीला प्रिय असलेला मोदक चक्क उंदीर मामाने पळवून नेल्याचे दिसत आहे. ही घटना पाहून भक्तगण आश्चर्यचकित झाले असले तरी, त्यांनी या घटनेला एक शुभ संकेत मानले आहे.

आधी हा व्हिडिओ पाहा!

उंदीर आणि मोदकाचा अनोखा योग

हिंदू धर्मानुसार, उंदीर हा गणपती बाप्पाचा वाहन म्हणजेच सवारी आहे. गणपती बाप्पा आणि त्यांच्या वाहनाचे नाते खूप घनिष्ट मानले जाते. याच नात्याची प्रचिती देणारी ही घटना असून व्हिडिओत (Video) दिसते की, गणपतीची मूर्ती सुंदर फुलांनी आणि माटोळीने सजलेली आहे. मूर्तीच्या समोर बाप्पाचा आवडता प्रसाद, म्हणजेच मोदक ठेवलेला आहे. आरती आणि पूजा झाल्यानंतर अचानक एक लहान उंदीर गणपतीसमोर येतो आणि क्षणाचाही विलंब न करता एका मोदकाला उचलून वेगाने पळून जातो.

घरातील लोक हा प्रसंग पाहून थक्क झाले. अनेकांनी ही घटना आपल्या मोबाईलमध्ये कैद केली, ज्यामुळे हा व्हिडिओ आता सर्वत्र व्हायरल होत आहे. ही घटना पाहून अनेक भक्तांनी आपल्या प्रतिक्रिया व्यक्त केल्या आहेत. काही भक्तांनी म्हटले की, 'या घटनेतून बाप्पाने प्रसाद स्वीकारला आहे', तर काहींनी 'बाप्पाचा वाहन म्हणजेच उंदीरमामाने स्वतः प्रसाद ग्रहण केला', असे म्हणत आनंद व्यक्त केला.

अविस्मरणीय गणेशोत्सव

दरम्यान, या व्हिडिओने पुन्हा एकदा हे सिद्ध केले की, गणपती बाप्पा आपल्या भक्तांवर नेहमीच कृपा करतात. गोव्याची समृद्ध संस्कृती, पारंपरिक माटोळी आणि आता अशा लहान-मोठ्या घटनांमुळे येथील गणेशोत्सव अधिक खास बनला आहे. ही घटना केवळ एक व्हिडिओ नाही, तर ती एक भावना आहे. ती दर्शवते की, माणसे आणि प्राणी यांच्यातील निसर्गाचे नाते किती पवित्र आहे. ज्या घरात बाप्पाचा वाहन स्वतःहून प्रसाद ग्रहण करायला येतो, ते घर निश्चितच भाग्यवान असते. संतोष नायक आणि त्यांच्या कुटुंबीयांसाठी ही घटना एक आनंदाचा आणि अभिमानाचा क्षण आहे.

अशा घटनांमधूनच सणांचा खरा अर्थ आपल्याला समजतो. पूजा-अर्चा आणि विधी यासोबतच, निसर्गातील प्रत्येक घटकाचा आदर करणे आणि त्यातही देवाचा अंश पाहणे, हीच खरी भक्ती आहे. हा व्हिडिओ हेच दाखवून देतो आणि त्यामुळेच तो इतका लोकप्रिय झाला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Hockey Asia Cup 2025: आशिया चषकात भारतीय संघाचा दबदबा! कझाकिस्तानला पराभवाचं पाणी पाजून साधली 'हॅटट्रिक'

Mapusa Nirmalya Kalash: म्हापसा येथे 'निर्मल्या कलश' ठरला गेम चेंजर; गणेशोत्सवात घालून दिला पर्यावरण रक्षणाचा नवा आदर्श!

Acidity: पोटातली जळजळ धोकादायक! अ‍ॅसिडिटीमुळे होऊ शकतात 'हे' 5 गंभीर आजार, वेळीच व्हा सावध; जाणून घ्या लक्षणे आणि प्रतिबंधात्मक उपाय

PM Modi In China: पंतप्रधान मोदींची ग्लोबल फॅन फॉलोईंग! चीनी सोशल मीडियावर ‘नंबर-1’ वर ट्रेंड; जिनपिंग-पुतिनसोबतची भेट ठरली खास

पार्टीत ओळख, मैत्री, प्रेम आणि लग्न... प्रियाच्या जाण्याने प्रेमकथा अपूर्ण; 'ती' पोस्ट होतेय Viral

SCROLL FOR NEXT