Vijai Sardesai on Goa Sunburn 2023: एका बाजूने मुख्यमंत्री डॉ. प्रमोद सावंत 31 डिसेंबर रोजी ‘सनबर्न’ होणार नाही असे सांगतात तर दुसऱ्या बाजूने आयोजकांकडून 31 डिसेंबरची ‘सनबर्न’ची तिकिटे अजून विकली जात आहेत, असा आरोप गोवा फॉरवर्डचे अध्यक्ष विजय सरदेसाई यांनी केला आहे.

‘सनबर्न’ महोत्‍सव सरकारी जावई आहे का? असा सवालही त्यांनी केला. ईडीएम महोत्सवांना विरोध नाही. मात्र ३१ डिसेंबरला त्याचे आयोजन होऊ नये हे माझेही मत आहे. या दिवसाला धार्मिक महत्व आहेच, शिवाय स्थानिक व्यावसायिकांचा धंदा या महोत्सवामुळे बुडतो.

स्थानिकांच्या तोंडातील घास बाहेरचे लोक कसे नेऊ शकतात? असा सवाल करून आमदार दिलायला लोबो यांनी हा सवाल मुख्यमंत्र्यांना विचारावा असे आवाहन सरदेसाई यांनी केले.