Vernekars In Goa : अमेरिकेत स्थायिक असूनही वेर्णेकर कुटुंबाने गोवन संस्कृती जपली आहे. त्यांनी आपल्या मुलांना कोंकणी भाषेचे देखील ज्ञान दिले आहे. अमेरिकामध्ये स्थायिक सोहित वेर्णेकर या गोवन मुलाने अमेरिकेतील मुलीशी लग्न केले. सोहित वेर्णेकर व जेसिका वेर्णेकर या जोडप्याला दोन मुले आहेत.

गुरुवारी सोहित आणि जेसिका यांचा मुलगा हर्तेश याची मुंज पारंपारिक पद्धतीने पार पडली.

अमेरिकामध्ये स्थायिक असलेल्या गोव्यातील वेर्णेकर कुटूंब सोशल मिडीयावर भरपूर फेमस आहे. 'वेर्णेकर्स इन अमेरिका' या नावाने सोशल मिडियावर अकाउंट असून यावर त्यांचे लाखो फॉलोवर्स आहेत. वेर्णेकर कुटूंब काही दिवसांपूर्वी गोव्यात आले आहे.

हर्तेशच्या मुंज कार्यक्रमाला गोव्यातील त्यांचे नातेवाईक उपस्थित होते. मडगाव येथील एका हॉलमध्ये मुंजीचा कार्यक्रम पार पडला. यावेळी हर्तेश भारतीय पेहरावात दिसून आला. त्याने लाल रंगाचे सोवळे परिधान केले होते. तर त्याचे वडील सोहीत वेर्णेकर यांनी जांभळ्या रंगाचे सोवळे परिधान केले होते. त्याच्या आईने जांभळ्या रंगाची नऊवारी साडी परिधान केली होती.

सोहीत वेर्णेकर या गोवन युवकाचे शिक्षण गोव्यात झाले. त्यानंतर तो अमेरिकेत स्थाईक झाला. यानंतर सोहीतने अमेरिकन युवतीशी भारतात येत हिंदु धर्मात आई-वडिलांच्या संमतीने लग्न केले. सोहित अमेरिकेत स्थाईक झाला असला तरी त्याने अमेरिकेत गोवन संस्कृती जपली आहे.