Ponda: ढवळी सार्वजनिक गणेशोत्सव मंडळातर्फे यंदा 29व्या गणेशोत्सव सोहळ्यात विविध कार्यक्रमांचे आयोजन करण्यात आले आहे, अशी माहिती मंडळाच्या अध्यक्ष वेदांगी देवेंद्र ढवळीकर यांनी दिली. यावेळी उपाध्यक्ष अनिल नायर, सहसचिव आदित्य ढवळीकर, खजिनदार अजय सावईकर व समितीचे पदाधिकारी संकेत मुळे उपस्थित होते.

यावेळी विविध समित्यांची निवड करण्यात आली-

* देवकृत्य समिती: देवराज उपाध्ये, वसंत सावईकर, संकेत नाईक मुळे.

* निधी समिती: विवेक ढवळीकर, अमेय नाईक मुळे.

* मंडप समिती: मोनाल मणेरीकर, राजेंद्र मणेरीकर.

* कार्यक्रम समिती: अमोल ढवळीकर, अनुष्का ढवळीकर, पार्थ दळवी, रिया कुंभार, शलाका ढवळीकर, अविनाश नाईक, राधा भांडणकर, पुष्कर नावती, ऋग्वेदा देसाई.

बुधवार दि. 31 रोजी सकाळी 10 वा. श्री गणरायाचे पूजन, गुरुवारी 1 सप्‍टेंबर रोजी सकाळी पूजा, आरती प्रसाद, शुक्रवारी 2 रोजी संध्याकाळी 4.30 वा. श्‍लोक पाठांतर स्पर्धा 6 ते 10 वर्षे वयोगटासाठी तर 11 ते 15 वयोगटासाठी ज्ञान हीच शक्ती व स्वातंत्र्याचा अमृतमहोत्सव या विषयावर वक्तृत्व स्पर्धा होईल. शनिवार 3 रोजी 4 वा. मेंदी स्पर्धा तर संध्‍याकाळी 7 वा. दोन अंकी कोकणी नाटक होईल. रविवार दि. 4 रोजी 5.30 वा. चक्रीकीर्तन होणार आहे.

सोमवारी 5 रोजी सकाळी 9 वा. गणहोम विधी होईल. संध्याकाळी 4 वा. पाककला स्पर्धा तर 6.30 वा. ‘म्युझिकल मी विथ आर्या आंबेकर' (Musical Me with Arya Aambekar) हा सांगीतिक कार्यक्रम होणार आहे. मंगळवार दि. 6 रोजी संध्याकाळी बक्षीस वितरण कार्यक्रम व ढवळी गावातील गुणवंत विद्यार्थ्यांचा गौरव होईल. त्यानंतर दिंडी मिरवणुकीने श्रीचे विसर्जन होईल.

दरम्यान, ढवळी सार्वजनिक गणेशोत्सव मंडळ यंदा एकोणतीस वर्षांचे झाले असून युवा महिला कार्यकर्त्या यंदा या गणेशोत्सव मंडळाच्या अध्यक्ष आहेत. तालुक्यात प्रथमच एका गणेशोत्सव मंडळाच्या अध्यक्ष महिला आहेत.