Ponda Municipality: फोंडा पालिकेच्या येत्या निवडणुकीच्या पार्श्‍वभूमीवर बऱ्याच प्रभागांची तोडफोड करण्यात आली असून केवळ आपल्या समर्थक उमेदवारांना निवडून आणण्यासाठी फोंड्यातील सत्ताधाऱ्यांनी हे कृत्य केले आहे.

याप्रकरणी आमच्या हरकती नोंदवण्यात आल्या असून याप्रकरणी मुख्यमंत्री डॉ. प्रमोद सावंत तसेच मंत्री विश्‍वजीत राणे यांनाही एक निवेदन देण्यात येईल, असे फोंड्यातील मगो पक्षाचे नेते डॉ. केतन भाटीकर यांनी पत्रकारांशी बोलताना सांगितले.

यावेळी माजी नगरसेवक व्हिन्सेंट पॉल फर्नांडिस उपस्थित होते. पालिकेच्या बहुतांश प्रभागातील मतांची तोडफोड करण्यात आली असून दूरवरच्या प्रभागातील मते अशा तोडफोड केलेल्या प्रभागात टाकण्यात आली असून आपल्या समर्थकांना विजयी करण्यासाठीच हा डाव असल्याचा आरोप केतन भाटीकर यांना केला आहे. फोंडा पालिकेच्या प्रभाग क्रमांक नऊमध्ये तर मोठ्या प्रमाणात तोडफोड करण्यात आली आहे.