वाळपई , आपला प्रत्येक हिंदू सण, उत्सवाला विशेष महत्त्व असून सणामागे काही तरी आयुर्वेदिक, वैज्ञानिक महत्त्वही असते. म्हणूनच हिंदू सणांना जागतिक पातळीवरही सकारात्मक नजरेने बघितले जाते. परदेशातही हिंदूंचे सण साजरे केले जातात.
गुढीपाडवा हा हिंदूंच्या वर्षारंभाचा दिवस आहे. या दिवशी उभारली जाणारी गुढी विजयाचे प्रतीक असते. म्हणूनच नव वर्षाची गुढी नेहमीच उंचच उभारली पाहिजे. उंच गुढी नेहमीच प्रेरणा देते, असे प्रतिपादन ज्येष्ठ शिक्षक प्रकाश गाडगीळ यांनी केले.
वाळपईत मंगळवारी रात्री प्रेरणा सांस्कृतिक मंडळ, वेळूस यांच्या वतीने आयोजित वेशभूषा स्पर्धेच्या बक्षिस वितरण कार्यक्रमात ते बोलत होते.
सुलभा फातर्फेकर, परीक्षक सगुण गावकर, महादेव गावकर, विजय खांडेकर तसेच मंडळाच्या अध्यक्षा नेहा शिरोडकर यांची उपस्थिती होती. गाडगीळ म्हणाले, ३१ डिसेंबरला धिंगाणा करून आंग्ल नववर्ष साजरे केले जाते. पण गेल्या पंधरा वर्षात राज्यात गुढी पाडवा उत्साहात साजरा केला जात असून हिंदूप्रेमी जागे होत आहेत.
अध्यक्षा नेहा शिरोडकर यांनी प्रास्ताविक केले. विभूती मयेकर हिने मान्यवरांची ओळख, स्वागत केले. मालती मयेकर हिने सूत्रसंचालन केले. वेशभूषा स्पर्धेचे निवेदन प्रिय वेलिंगकरने केले. दीपराज तायशेट्ये यांनी आभार मानले. तुळशीदास मयेकर यांनी स्वागत केले. त्यानंतर स्वामी समर्थ क्रिएशनतर्फे सांज पाडवा या नाट्यगीत, भक्ती गीतांचा सुमधूर कार्यक्रम संपन्न झाला.
वेशभूषा स्पर्धेत सावी गावस प्रथम
गुढी पाडव्यानिमित्त आयोजित वेशभूषा स्पर्धेत प्रथम सावी गावस , व्दितीय आरोही मयेकर, तिसरे आरूष गावडे यांना बक्षिसे प्राप्त झाली. तर उत्तेजनार्थ प्रथम स्वप्नाली गुरव, व्दितीय वरद इब्राम्हपूरकर, तिसरे अन्वी गावडे हिला प्राप्त झाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.