Valpoi News : धावे सत्तरी येथे श्री. सातेरी शांतादुर्गा मंदिरात नववर्ष गुढीपाडव्यानिमित्त २२ रोजी हिंदू नववर्ष स्वागत समिती धावेतर्फे शोभायात्रा काढण्यात आली. यात गावातील पुरुष, महिला, ज्येष्ठ नागरिक, महिला वर्ग मोठ्या संख्येने सहभागी झाला होता.

सकाळी ७ वाजता प्रभात फेरीला ब्रह्मध्वजाची विधीवत पूजा, पंचारती ओवाळून करून सुरवात करण्यात आली. ‘भारत माता की जय’ अशा विविध घोषणा समेळ वाद्यांच्या सानिध्यात गर्जना करण्यात आली. त्यामुळे वातावरण प्रसन्न बनले होते.

शोभायात्रेनंतर मंदिरात प्रकट कार्यक्रम झाला. यावेळी ज्येष्ठ शिक्षक गणपतराव राणे, ज्येष्ठ नागरिक राम ओझरेकर, देवस्थानचे गावकर दशरथ गावकर, गणेश माटणेकर आदींची उपस्थिती होती. राणे म्हणाले, की आपल्या जीवनात निरोगी जीवन, सुख समृद्धी नांदेल असे विचार बाळगले पाहिजेत.

आपल्या पाल्यांना मातृभाषेतून शिक्षण दिले पाहिजे. गणेश माटणेकर यांनी प्रास्ताविक, मान्यवरांची ओळख व पद्य सादर केले. सूत्रनिवेदन आरती माटणेकर व मेघा गावकर यांनी पसायदान सादर केले.