National Games 2020 Goa Opening Ceremony Viral Video: गोव्यात होत असलेल्या राष्ट्रीय क्रीडा स्पर्धेचा उद्घाटन समारंभ गुरुवारी फातोर्डा येथील जवाहरलाल नेहरु मैदानावर रंगला. या समारंभाला देशाचे पंतप्रधान नरेंद्र मोदी यांची खास उपस्थिती होती. मोदीच्या हस्ते ज्योत प्रज्वलित केल्यानंतर राष्ट्रीय क्रीडा स्पर्धेला अधिकृत सुरुवात झाल्याची मोदींनी घोषणा केली.

या उद्घाटन समारंभात अनेक खुर्च्या रिकाम्या असल्याचा एक व्हिडिओ सध्या समाज माध्यमांवर व्हायरल होत आहे.

फातोर्डा मैदानावर रंगलेल्या उद्घाटन समारंभात गायक सुखविंदर सिंह, हेमा सरदेसाई यांनी सादरीकरण केले. याशिवाय विविध कलाविष्कारांचे सादरीकरण यावेळी करण्यात आले.

रंगारंग कार्यक्रमाला राज्यासह देशाच्या विविध कानाकोपऱ्यातून लोकांनी हजेरी लावली होती, पण या कार्यक्रमात अनेक खुर्च्या रिकाम्या असल्याचा एक व्हिडिओ सध्या सोशल मिडियावर समोर आला आहे.

उद्घाटन समारंभाला सुरुवात होण्यापूर्वीचा हा व्हिडिओ असल्याचे प्रथमदर्शनी दिसत आहे. नरेंद्र मोदी यांनी मैदानावर हजेरी लावल्यानंतर ज्योत प्रज्वलन आणि पंतप्रधान आणि मुख्यमंत्री प्रमोद सावंत यांचे भाषण पार पडले.

त्यानंतर गायक सुखविंदर सिंह आणि हेमा सरदेसाई यांचे तसेच स्थानिक कलाकारांचे सादरीकरण झाले. उद्घटन कार्यक्रमाच्या निमित्ताने मैदानावर भव्य विद्युत रोषणाई करण्यात आली होती.