Goa News: भारतातील वास्तव्याचा व्हिसा संपूनही बेकायदेशीरपणे राहत असलेल्या दोघा युगांडाच्या महिलांना क्राईम ब्रँच पोलिसांनी अटक केली. गेल्या काही दिवासांपासून क्राईम ब्रँचने देशात बेकायदेशीर वास्तव्य करून असलेल्या विदेशी नागरिकांची शोधमोहीम सुरू केली आहे.

क्राईम ब्रँचचे पोलिस पथक काल रात्री खालचावाडा- हरमल येथे गस्ती असताना दोन विदेशी नागरिक फिरत असताना आढळून आले. त्यांची चौकशी केला असता त्यांच्याकडे पासपोर्ट नव्हता तसेच त्यांच्याकडे ट्रॅव्हलिंग दस्तावेज नव्हते व त्यांना अटक करण्यात आली.

अटक करण्यात आलेल्या विदेशी नागरिकांची नावे कॅथरिन नाकावुका (३८ वर्षे) व नातुकुंदा सुझान नलुईमा (२६ वर्षे) अशी आहेत. त्यांच्या या अटकेची सूचना एफआरआरओ व भारतातील युगांडाच्या दूतावासाला देण्यात आली आहे. या दोन्हीही संशयित महिलांना न्यायालयाने दहा दिवसांची पोलिस कोठडी दिली आहे. त्यांनी विदेशी कायद्याचे उल्लंघन केल्याप्रकरणी गुन्हा दाखल करण्यात आला आहे.