पेडणे: बोडकाधेनू-मांद्रे येथील देवस्थानाजवळ काल रविवारी उत्तररात्री 1 वाजता मारुती कार व मोटारसायकल यांच्‍यात झालेल्या अपघातात बसुराज मोहिते (25, रा. करासवाडा-म्हापसा) हा दुचाकीस्‍वार गंभीर जखमी झाला. तर, पत्रादेवी येथ आज संध्याकाळी 6 च्या सुमारास मोटारसायकलची धडक दुभाजकाला बसल्याने झालेल्या अपघातात गाळेली-सिंधुदुर्ग येथील सारंग नाईक (35) हा युवक गंभीर जखमी झाला.

दोघांनाही उपचारांसाठी गोमेकॉत दाखल करण्यात आले आहे. मांद्रेत (एमएच-14 -जेयू-0861 व दुचाकी (जीए-3 -एबी 6810) यांच्‍यात हा अपघात घडला. दोन्ही वाहनांचे मोठ्या प्रमाणात नुकसान झाले. पेडणेचे पोलिस निरीक्षक विक्रम नाईक यांच्या मार्गदर्शनाखाली काॅन्‍स्‍टेबल चंद्रकांत केरकर यांनी अपघाताचा पंचनामा केला.