Goa Police Recovers Motorcycle: कोलवाळ पोलिसांनी चोरीला गेलेल्या दोन बुलेट मोटरसायकल हस्तगत केल्या आहेत. 17एप्रिल रोजी पार्किंगमधून या बुलेट दुचाकी चोरीला गेल्या होत्या.

या चोरीचे सीसीटीव्ही फुटेज पोलिसांच्या हाती लागले आहे. पोलिसांनी हे फुटेज जारी केले आहे. त्यावरून दोघा बुलेट चोरट्यांचा शोध घेतला जात आहे.

म्हापसाचे एसडीपीओ जिवबा दळवी म्हणाले की, GA-11-F-1212 आणि GA-06-Y-0653 क्रमांकाच्या दोन बुलेट मोटरसायकल पोलिसांना गस्त घालत असताना कोलवाळ पुलाशेजारी पार्किंगजवळ सापडल्या.

त्या पोलिस स्टेशनमध्ये आणण्यात आल्या आहेत. यातील एक बुलेट म्हापशातून चोरीला गेली होती.

याबाबत गुन्हा नोंद झाला होता. त्याचा तपास सुरू होता. चोराला पकडण्यासाठी पोलिस निरीक्षक सोमनाथ महाजिक, पोलिस उपनिरीक्षक सुशांत सांगोडकर, हेड कॉन्स्टेबल महादेव परब आणि इतर असे पथक नेमले आहे.