मडगाव येथील घाऊक मासळी मार्केट येथे झालेल्या अपघातात एकाचा जागीच मृत्यू झाला असून, एकजण गंभीर जखमी झाला आहे. शनिवारी (दि.१८) पहाटे तीनच्या सुमारास हा अपघात झाला. चालकाचा पिकअपवरील ताबा सुटल्याने पार्क वाहनांना धडक दिल्याने हा अपघात झाला.
कुयरो वेळीप (55, मोरपिर्ला) असे या अपघातात मृत्यू झालेल्या व्यक्तीचे नाव असून, चालक दीपक गावकर (31, खोतीगाव) असे जखमी झालेल्या व्यक्तीचे नाव आहे. त्याला उपचारासाठी दक्षिण गोवा जिल्हा रुग्णालयात दाखल करण्यात आले आहे.
चालक दीपकचा पिकअपवरील ताबा सुटल्याने वाहनाने रस्त्यावर पार्क केलेल्या इतर वाहनांना धडक दिली. अपघातानंतर दोघेही सुमारे आर्धातास वाहनातच अडकले होते.
पिकअपचे दरवाजे लॉक झाल्याने दोघांना बाहेर काढणे आव्हानात्मक झाले. दरम्यान, अग्निशमन दलाच्या जवानांना पाचारण करण्यात आल्यानंतर वाहनाचे दरवाजे तोडण्यात आले व दोघांना बाहेर काढण्यात यश आले.
दोघांनाही उपचारासाठी रुग्णालयात दाखल करण्यात आले मात्र, कुयरो याचा मृत्यू झाला तर जखमी दीपक याच्यावर उपचार सुरु आहेत. दरम्यान, या अपघातप्रकरणी चालक दीपक विरोधात फातोर्डा पोलिसांनी गुन्हा नोंद केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.