Goa Live News: 'लोकोत्सवा'साठी विक्रेत्यांची पहाटेपासूनच लगबग

गोव्यातील बहुप्रतिक्षित सांस्कृतिक महोत्सव 'लोकोत्सव २०२५' (Lokotsav 2025) च्या तयारीला वेग आला असून, स्टॉल्स मिळवण्यासाठी विक्रेत्यांमध्ये मोठी चुरस पाहायला मिळत आहे. पणजीतील कला आणि संस्कृती विभागाच्या कार्यालयाबाहेर आज पहाटेपासूनच शेकडो विक्रेत्यांनी रांगा लावल्या आहेत. दरवर्षीप्रमाणे यंदाही आपल्या हस्तकला, खाद्यपदार्थ आणि पारंपरिक वस्तूंचे प्रदर्शन मांडता यावे, यासाठी गोव्यातील स्थानिक कारागिरांसह परराज्यातील विक्रेत्यांनीही मोठी गर्दी केली आहे.

पर्वरी परिसरातून एक अत्यंत संतापजनक घटना समोर आली आहे. शाळेत ने-आण करणाऱ्या एका ४७ वर्षीय स्कूल व्हॅन चालकाला सहा वर्षांच्या बालिकेचा विनयभंग केल्याप्रकरणी पर्वरी पोलिसांनी अटक केली आहे. संशयित आरोपी हा पर्वरी-सुकूर येथील २० पॉईंट परिसरात, रास्तोळी देवस्थानजवळ राहणारा असून तो एका खाजगी 'इको' स्कूल व्हॅनवर चालक म्हणून काम करत होता.