फातोर्डा: गुन्हेगारी प्रकरणासाठी कुप्रसिद्ध बनलेल्या मडगाव येथील जुने रेल्वे स्थानक परिसरात आज दिवसाढवळ्या ‘राजा’ नामक एका मजुराचा अन्य एका मजुराकडून पोटात चाकू खुपसून खून करण्यात आला. त्यामुळे हा परिसर पुन्हा एकदा हादरून गेला आहे.
ही घटना सकाळी १० वा.च्या सुमारास घडली. खून केल्यानंतर संशयिताने पळ काढला. हा खून भांडणातून झाल्याचे समजते. याप्रकरणी तपास करण्यात येत असल्याची माहिती मडगाव पोलिस स्थानकाचे पोलिस निरीक्षक तुळशीदास नाईक यांनी दिली. दरम्यान, काही वर्षांपूर्वी याच परिसरात एका मजुराचा डोक्यात दगड घालून खून करण्यात आला होता.
नवे कोकण रेल्वे स्थानक स्थापन झाल्यानंतर ओल्ड रेल्वे स्थानक परिसर हा मजुरांचे आश्रयस्थान बनला आहे. ही जागा आता गुन्हेगारीचे आगर बनली आहे. या ठिकाणी राहणाऱ्या मजुरांमध्ये अनेकवेळा बाचाबाची होते. यातूनच मारहाण व नंतर खुनाचे प्रकार घडतात, अशी माहिती येथील एका दुकानदाराने दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.