गोवा टुरीझम आणि ट्रॅव्हल असोसिएशन ऑफ गोवाने नव्या प्रस्तावित पर्यटक प्रोत्साहन, व्यवस्थापन आणि नियंत्रण विधेयक २०२४ वर आपल्या महत्त्वाच्या सूचना सादर केल्या आहेत.

ही माहिती असोसिएशनचे उपाध्यक्ष आकाश मडगावकर यांनी दिली. ते म्हणाले की, आम्ही आमच्या सूचना पर्यटन उद्योगातील वेगवेगळे दावेधारक तसेच आमदारांनाही दिल्या आहेत. मंत्री व पर्यटन खात्याने आमच्या सूचना सकारात्मक दृष्टीकोनातून स्वीकारल्याचे मडगावकर यांनी सांगितले.

विधेयकाचा मसुदा तयार करणाऱ्या संस्थेसोबत सहकार्याने विधेयकाचा अंतिम मसुदा तयार करण्यासाठी आम्ही काम करू. या संस्थेसह, पर्यटन खात्याच्या सहकार्याने आम्ही संबंधित मसुद्यावर सखोल चर्चा करून आवश्यक ते बदल व सूचना देत उद्योगातील सर्व दावेधारकांचे हित सांभाळले जाईल याची खबरदारी घेऊ, असे मडगावकर म्हणाले.