पणजी: मानवी तस्करी विरोधी कक्षाने वेश्याव्यवसाठी महिलेची मानवी तस्करी केल्याचा गुन्हा दाखल केलाअसून; या प्रकरणाचा तपास सुरु आहे. कायद्यानुसार अशा प्रकरणांमध्ये पीडितेची ओळख उघड करू नये म्हणूनच पीडित महिलेच्या ओळखीचे रक्षण करण्यासाठी आम्ही येथे आरोपी व्यक्तीचे नावही घेत नाही.

(Trafficking of women for prostitution is highest in Goa )

एफआयआरनुसार, लैंगिक शोषणाच्या उद्देशाने उत्तर गोवा आणि गुजरात येथे अनेक वेळा आरोपी व्यक्तीने पीडित महिलेला दारू पाजून तिच्याशी जबरदस्तीने शारीरिक संबंध ठेवल्याची धक्कादायक बाब उघड झाली आहे. दरम्यान, आरोपीने तिचा नग्न व्हिडिओ काढला असुन, तो व्हिडिओ इंटरनेटवर व्हायरल करण्याची धमकी दिली.

आरोपीने केवळ पीडितेवर बलात्कारच केला नाही तर फसवणूक करून सत्तेचा गैरवापर केला आहे, पीडितेला धमक्या देत तीची तस्करी केली आहे. आरोपीने पीडितेला वेश्याव्यवसाय करण्याच्या उद्देशाने आरोपीच्या हॉटेलमध्ये डांबून ठेवले. आरोपीने पीडितेचे शोषण करून पैसे मिळवले असून इतर वेळीही ते वेश्याव्यवसायाच्या कमाईवर जगतात.

आरोपीने पिडित महिलेवर अनेकवेळा बळजबरीने बलात्कार करून अनैसर्गिक संभोग केला, तसेच तिच्या शरिराचे चावे घेतले, मानसिक छळ केला, असेही पीडितेने पोलिसांना सांगितले आहे. संबंधित आरोपी पोलीसांच्या रडारावर असुन त्यांना पकडण्यासाठी पोलिस त्यांचा शोध घेत आहेत.

नॅशनल क्राईम रेकॉर्ड ब्युरोने 2021 सालामध्ये तयार केलेल्या आकडेवारीवरून असे दिसून आले आहे की, गोव्यात वेश्याव्यवसायासाठी महिलांची दरडोई मानवी तस्करी इतर राज्यांच्या तुलनेत सर्वाधिक आहे.