पणजी : राष्ट्रीय महामार्ग मडगाव ते पणजी येथील महामार्ग वर कुठ्ठाळी संत्रात ते आगशीपर्यंत वाहनांच्या दोन दोन रांगा लागल्यामुळे वाहतूक कोंडी होण्याचे प्रकार वाढले आहेत. दर दिवशी संध्याकाळी चार वाजल्यानंतर हा वाहतूक कोंडी होण्याचे प्रकार घडत असून त्याचा स्थानिक ग्रामस्थांना डोकेदुखी ठरू लागली आहे.

कुठ्ठाळी पाजेंतार येथील राष्ट्रीय महामार्ग ओलांडण्यासाठी थांबावे लागते वाहनांच्या गर्दीतून वाट काढत खास करून दुचाकीस्वारांना जीव मुठीत धरून रस्ता पार करावा लागतो. याठिकाणी नेहमीच वाहतूक पोलिस तैनात केला पाहिजे.वाहनांच्या रांगा लागल्यामुळे वाहने संत्रात येथील अंतर्गत रस्त्यांचा अवलंब करतात. परिणामी वाहनांच्या गर्दीमुळे स्थानिक रहिवाशांची गैरसोय होते.

तसेच कुठ्ठाळी खुरसाकडे येथील क्रॉसिंगसाठी जिकिरीचे झाले आहे.आगशीच्या बाजूला बगलरस्त्यापर्यंत वाहतूक संथ गतीने पुढे सरकत होती. यामध्ये भर म्हणून पर्यटक टॅक्सी चालक मध्येच आपली वाहने घुसडून वाहतूक कोंडी तर भर टाकत असतात.या एकूण वाहतूक कोंडी वर नियंत्रण ठेवण्यासाठी वाहतूक पोलीस संख्या वाढवण्याची गरज निर्माण झाली आहे. हा प्रकार दररोज सकाळी संध्याकाळी घडत असून आता पावसाळा सुरू झाल्यावर यात भर पडणार आहे.

कुठ्ठाळी येथील झुआरी उड्डाणपुलाचे काम चालू असल्याने वाहतूक कोंडीचे प्रकार घडत असून नाहक वाहन चालकांचा वेळ वाया जातो.
कुठ्ठाळी जंक्शनकडे वास्कोकडून येणाऱ्या वाहनांची गर्दी होते. पणजीहून वास्कोकडे जाणाऱ्या वाहनांना जाण्यासाठी वाहतूक पोलिस वळवत असतात. यामुळे वाहतूक धीम्या गतीने पुढे सरकते. या एकूण प्रकारावर नियंत्रण ठेवण्यासाठी वाहतूक पोलिसांना मात्र कसरत करावी लागते.