सासष्टी: मडगावच्या वाहतूक पोलिस विभागाने जानेवारी ते जून २०२४ या सहा महिन्यांच्या कालावधीत एकूण २१,९०७ प्रकरणांची नोंद केली. त्यातील २९२ प्रकरणे दारू पिऊन वाहने चालविण्यासंबंधित आहेत.

ही माहिती मडगाव वाहतूक पोलिसचे पोलिस निरीक्षक संजय दळवी यांनी दिली. दारू पिऊन वाहन चालविण्यासंबंधित प्रकरणे वाहतूक खात्याकडे पाठविण्यात आली आहेत व खात्याला चालकांचे परवाने रद्द करण्याची शिफारस करण्यात आली आहे.

वेगवेगळ्या उल्लंघनांची प्रकरणे खालीलप्रमाणे

गरजेपेक्षा जास्त गती - १,३६५, वाहन चालवताना मोबाईलवर बोलणे - २६०, हेल्मेट न वापरणे - १६९३, धोकादायक पार्किंग - ६५५६, नो एंट्री झोन - ६८५५, लाईट नसताना वाहन चालवणे - ६८९, झाकलेले आरसे - ७८१, सीट बेल्ट न वापरणे - १४९, नो पार्किंग झोन - ५२८, क्षमतेपेक्षा जास्त प्रवासी - १५७, सिग्नलचे उल्लंघन - ६५, बेकायदेशीर पार्किंग - ४०४, नंबर प्लेट नाही ३३५, नंबर प्लेट व्यवस्थित नाही - ६५२, मागील आरशाशिवाय वाहन - २२१, अल्पवयीनांनी व परवाना नसताना वाहन चालविणे - ३२.