म्हापसा: महिलांना अश्लील शिवीगाळ केल्याप्रकरणी एका पर्यटकाला बेदम चोप दिल्याची घटना म्हापशात घडली आहे. बसमध्ये असताना संगीत बंद करायला सांगितल्याने पर्यटकांनी महिलांना अश्लील शिवीगाळ केली. दरम्यान, बसमधून खाली उतरल्यानंतर महिलांनी या पर्यटकाला बेदम चोप दिला.

महिलांनी पर्यटकाला चोप दिल्याचा व्हिडिओ समोर आला आहे. यात महिला पर्यटकाला चोप देताना दिसत आहेत. त्याच्या अंगावरील कपडे फाडण्यात आल्याचे व्हिडिओत दिसत आहे. पर्यटक दारुच्या नशेत असल्याचा देखील काही जणांनी दावा केला आहे. महिलांनी व्हिडिओच्या माध्यमातून केलेल्या आरोपांनुसार, पर्यटकांनी त्यांना अश्लील शिवीगाळ केली.

बसप्रवासात असताना संबधित पर्यटकाला संगीताचा आवाज कमी करण्याची विनंती महिलांनी केली. दरम्यान, पर्यटकाने महिलांना अश्लील शिवीगाळ केली, असा आरोप महिलांनी केला. समोर आलेल्या प्राथमिक माहितीनुसार, घटनेची माहिती पोलिसांना दिली असून, घटनेची दखल घेऊन योग्य कारवाई करण्याची मागणी महिलांनी केली आहे.