भरत जाधव यांच्या श्रीमंत दामोदर पंत या नाट्य प्रयोगावेळी कला अकादमीच्या दिनानाथ मंगेशकर सभागृहाच्या वातानुकूलित यंत्रणेत बिघाड झाल्याने प्रेक्षक नाराज. यापूर्वी शरद पोंक्षे यांच्या पुरूष नाटकावेळी प्रकाश योजनेत झाला होता बिघाड.

आश्वे मांद्रे येथील श्री भूमिका देवस्थानचा २१रोजी वर्धापन दिन तो कोणी साजरा करावा या संबंधी दोन गटात वाद सुरू,मामलेदार पोलीस घटनास्थळी तैनात,

तामसुली-खांडोळा येथे घराच्या बाजूला असलेल्या शेडला रविवारी (20 एप्रिल) सकाळी आग लागली. कुंडई अग्निशामक दलाने तात्काळ घटनास्थळी पोहोचून आगीवर नियंत्रण मिळवले. सुदैवाने कोणत्याही प्रकारची जीवीतहानी झाली नाही.

केपेमधील बोरीमोल स्पोर्ट्स कॉम्प्लेक्सजवळ दोन दुचाकींमध्ये अपघात झाला. दोन्ही चालक जखमी झाले. क्वेपेम पोलिस पंचनामा करत आहेत.

नईबाग पेडणे येथील भगवान उत्तम कासकर या युवकाचा शिर्डी येथे देव दर्शनाला जाताना सातारा येथे रात्री अपघातात मृत्यू. वाढदिवसा आदल्या दिवशीच काळाचा घाला.

श्री हनुमान विद्यालय, वाळपई येथे राष्ट्रीय शिक्षण धोरण 2020 (NEP 2020) यावर आधारित माहितीपूर्ण जनजागृती कार्यक्रम मोठ्या उत्साहात पार पडला. कार्यक्रमाला प्रमुख पाहुणे म्हणून श्री. रूपेश सावंत (राज्य समन्वयक, NEP 2020), वाळपई शिक्षण संस्थेचे अध्यक्ष नरहरी हळदणकर, व्यवस्थापक देवेश पेडणेकर, मुख्याध्यापिका सौ. मेघना मेघनाथ मांद्रेकर, कार्यवाह विश्वास कावळेकर, पालक शिक्षक संघाचे अध्यश्र उमेश कुलकर्णी, सचिव सौ. निधी विनीत जोशी यांचा समावेश होता.

शनिवारी (दि.१९) पर्वरी येथील एसीडीआयएल शाळेजवळ रस्त्यावर आढळलेल्या टेक्नो कॅमन १९ मोबाईल फोन आणि २,७०० रुपयांच्या रोख रकमेच्या मालकाला पोचवण्यात यशस्वी झाले. पडताळणी आणि चौकशीनंतर, हे सामान योग्य मालक, टँकर चालक श्री शिव भजन पांडे यांच्याकडे सोपवण्यात आले.