गोव्याचे पहिले मुख्यमंत्री दयानंद तथा भाऊसाहेब बांदोडकर यांची आज पुण्यतिथी. 20 डिसेंबर 1963 रोजी त्यानी मुख्यमंत्रीपदाचा पदभार स्वीकारला आणि काळाने त्याना आपल्यापासून हिरावून नेईपर्यंत म्हणजे 12 ऑगस्ट 1963 पर्यंत ते मुख्यमंत्रीपदी राहिले; अपवाद फक्त 2 डिसेंबर 1966 ते 5 एप्रिल 1967 असे 127 दिवस गोव्यावर लादलेल्या राष्ट्रपती राजवटीच्या कालावधीचा. आजपर्यंत गोमंतभूमीने पाहिलेल्या मुख्यमंत्र्यांचे ते मेरुमणी होते. (Today is death anniversary of first Chief Minister of Goa Dayanand Bandodkar)

मीरामार येथील गोव्याचे पहिले मुख्यमंत्री स्व. दयानंद बांदोडकर यांचा पुण्यतिथी निमित्त त्याच्या समाधीवर विविध फुलापानानी सजावट करण्यात आली.

मीरामार येथील गोव्याचे पहिले मुख्यमंत्री स्व. दयानंद बांदोडकर यांचा समाधीवर फुलांची सजावट करतांना वेळगे येथील श्रीमती हायस्कुलचे शिक्षक

गोव्याचे मुख्यमंत्री डॉ, प्रमोद सावंत यांनी आज गोव्याचे पहिले मुख्यमंत्री स्व. दयानंद बांदोडकर यांच्या स्मृतीस्थळाला अभिवादन केले.

गोव्याचे महाराष्ट्रात विलीनीकरण व्हावे असे बांदोडकरांचे आरंभीच्या काळात जरी मत असले तरी जनमत कौलातून गोव्याच्या जनतेने दिलेला जनादेश त्यानी शिरोधार्य मानला आणि त्यानंतरच्या काळात ते गोव्याच्या सर्वांगीण विकासासाठी दिवस- रात्र वावरले.

विकसित गोव्याचे स्वप्न पाहून ते साकारण्यासाठी सर्वस्व झोकून देणारा हा नेता होता. मुख्यमंत्री असलो तरी आपण सर्वज्ञ नाही हे जाणून आपल्या कुशल अधिकाऱ्यांच्या सूचनांचा आदर करण्याचे तारतम्य त्यांच्याठायी होते.

गोव्याच्या भाग्यविधात्या पहिल्या मुख्यमंत्र्यांचे या भूमीसाठीचे भरीव आणि सकारात्मक योगदान काय होते याची जाणीव आज विद्यार्थीवर्गांत झिरपायला हवी. भाऊसाहेब विस्मृतीत ढकलले जाऊ नयेत. आजच्या गोव्याची विदारक अवस्था पाहून तो महान नेता आपल्या स्वर्गीय सुखासीन वास्तव्यातही अस्वस्थपणे तळमळत असेल.