TATA Hospital : पणजी, मुंबईतील टाटा मेमोरियल हॉस्पिटलच्या बालरोग चिकित्सा ऑन्‍कोलॉजी वॉर्डमधील ३० मुलांनी नुकतीच लोटली येथील ‘बिग फूट’ या संग्रहालयाला गोवा दौऱ्याचा भाग म्हणून भेट दिली.

या मुलांच्या या भेटीचे वैशिष्ट्य ठरले ते बिग फूट संग्रहालयाचे जनक महेंद्र अाल्वारिस यांच्याशी साधलेला संवाद. तेथे ठेवण्यात आलेले संत मीराबाईंचे भव्य शिल्प पाहून मुले स्तिमित झाली.

अन्य विविध वस्तू, गोव्याचा वारसा दर्शविणाऱ्या वस्तू पाहूनही मुले प्रभावित झाली. गोवा दौऱ्याची स्मृती म्हणून त्यांना टॅटू देण्यात आला, तर कृतज्ञता म्हणून त्यांनी अाल्वारिस यांना गुलाबपुष्प प्रदान केले.

या मुलांबरोबर त्यांचे पालक तसेच साहाय्‍यक प्रशासकीय अधिकारी संतोष शेरवाडे, अन्य अधिकारी उपस्थित होते.