Tirumala tirupati credit society Dainik Gomantak
गोवा

Tirumala Tirupati Goa: ..अखेर ‘तिरुमला-तिरुपती’चे अध्यक्ष गोव्यात! सोसायटीविषयी कागदपत्रे केली सादर; सहकार मंत्र्यांसोबत बैठक

Tirumala tirupati credit society President: क्रेडिट सोसायटीच्या दोन संचालकांनी गुरुवारी सहकार निबंधक आशुतोष आपटे यांची भेट घेतली होती आणि आवश्यक ती कागदपत्रे सादर करण्याची हमी दिली होती.

गोमन्तक डिजिटल टीम

पणजी: तिरुमला तिरुपती मल्टीस्टेट को-ऑपरेटिव्ह क्रेडिट सोसायटीला राज्यात तेरा शाखा सुरू करण्यासाठी दिलेली ‘एनओसी‘ सहकार निबंधकांनी रद्द केल्याची घटना तीन दिवसांपूर्वी घडली. त्यामुळे संस्थेतून पैसे काढण्यासाठी ग्राहकांची वर्दळ वाढल्याचे लक्षात येताच सोसायटीचे अध्यक्ष गुरमीत सिंग यांना शुक्रवारी गोवा गाठावे लागले.

क्रेडिट सोसायटीच्या दोन संचालकांनी गुरुवारी सहकार निबंधक आशुतोष आपटे यांची भेट घेतली होती आणि आवश्यक ती कागदपत्रे सादर करण्याची हमी दिली होती. त्याचबरोबर कालच सहकार मंत्री सुभाष शिरोडकर यांनी सोसायटीचे संचालक शुक्रवारी आपणास भेटणार असल्याचे सांगितले होते.

त्यानुसार सोसायटीचे अध्यक्ष गुरुमीत सिंग व इतर संचालकांनी शिरोडकर यांची भेट घेतली. या भेटीत त्यांनी सोसायटीविषयी काही कागदपत्रेही सादर केली आणि पुढील तपशील देण्यासाठी त्यांच्याकडे वेळही मागितला असल्याची माहिती समोर आली आहे.

मंत्री शिरोडकर यांच्याबरोबर झालेल्या बैठकीविषयी सिंग म्हणाले, सरकारकडे जी कागदपत्रे जमा करायला हवी होती, ती झाली नाहीत, ही मानवी चूक आहे. परंतु आता आम्ही कागदपत्रे सादर केली आहेत. आम्ही सरकारकडे ‘एनओसी’चे निलंबन रद्द करण्याची विनंती केल्याचे सांगितले. तसेच त्यांनी ठेवीदारांना घाबरून न जाण्याचे आवाहनही केले.

या बैठकीनंतर मंत्री शिरोडकर यांनी सांगितले की, सहकारी संस्थांचे निबंधकांना सादर केलेल्या कागदपत्रांची तपासणी करावी लागणार आहे. त्यानंतर ते मला अहवाल देतील.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

बागातील 'त्या' प्रकाराबाबत उत्कंठा वाढली! क्राईम ब्रँचकडून गुन्ह्याची नोंद; व्हिडिओतील टोळक्यापर्यंत पोलिस पोहोचले

VIDEO: "नुसते फटके मारुन चालत नाही!" बाबर आझमचा 'स्लो' खेळ अन् 'फास्ट' उत्तर; सोशल मीडियावर फुटले वादाला तोंड

Bihar Food Poisoning: सत्यनारायणाचा प्रसाद ठरला जीवघेणा! मुजफ्फरपूरमध्ये 100 हून अधिक जणांना अन्नातून विषबाधा; एकाच वेळी अख्खं गाव पडलं आजारी

IPL 2026 Points Table : राजस्थानला नमवून SRH चा गुणतालिकेत धमाका! मोठ्या उलटफेरासह टॉप-5 मध्ये एन्ट्री; मुंबई, चेन्नई आणि कोलकाताची अवस्था बिकट

IPL 2026: उष्णतेचा आयपीएल खेळाडूंवर परिणाम; रोहित शर्मा, विराट कोहली यांनाही त्रास; वाढत्या आर्द्रतेचा फटका

SCROLL FOR NEXT