मडगाव, ता. १६ (खास प्रतिनिधी) सासष्टी हे तियात्र कलेचे आगर असल्याने गोवा तियात्र अकादमीकडून बांधले जाणारे नियोजित तियात्र भवन मडगाव भागातच उभारले जाणार असल्याचे संकेत आज कला व संस्कृती खात्याचे मंत्री गोविंद गावडे यांनी दिले. हे भवन उभारण्यासाठी जागा निश्चित करावी अशी सूचनाही त्यांनी केली.
गोवा तियात्र अकादमीच्या कार्यकारी मंडळाची आज मंत्री गावडे यांच्या बरोबर बैठक झाली. अकादमीचे नवनिर्वाचित अध्यक्ष अँथनी बार्बोजा यांचे यावेळी पुष्गुच्छ देऊन स्वागत करण्यात आले. मावळते अध्यक्ष मिनिन फर्नांडीस आणि अन्य पदाधिकारी या बैठकीला उपस्थित होते.
यावेळी तियात्र अकादमीतर्फे नवीन मुलांना तियात्रमधील पारंपरिक वाद्ये वाजविण्याचे प्रशिक्षण देणारे वर्ग सुरू करण्याच्या प्रस्तावावर चर्चा करण्यात आली. सरकार त्यासाठी प्रशिक्षकांची नियुक्ती लावकरच करणार असून मडगाव व पणजी या दोन ठिकाणी हे वर्ग घेतले जातील अशी माहिती बार्बोजा यांनी दिली.
तियात्र कलाकारांना अडचणीच्या वेळी मदत मिळावी यासाठी त्यांना सामूहिक आरोग्य विमा सुरू करण्याचा प्रस्ताव सरकार समोर ठेवला असून हा प्रस्तावही मान्य करण्याचे आश्वासन मंत्री गावडे यांनी दिले आहे अशी माहिती बार्बोजा यानी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.