गोवा राज्यात सध्या सकाळी थंडीचा कडाका वाढला आहे तर दुपारी ऊन असल्याची स्थिती आहे. यातच आता दोन दिवस मेघ गर्जेनेसह पावसाची शक्यता असल्याचा अंदाज हवामान वेधशाळेने वर्तवला आहे.

( thundershowers very likely at isolated places on 9th and 10th Dec in goa)

हवामान वेधशाळेने वर्तवलेल्या अंदाजानुसार 7 आणि 8 डिसेंबर रोजी धुके पडण्याची शक्यता आहे. तर 9 आणि 10 डिसेंबर 2022 रोजी गोवा राज्यातील अनेक भागात हलका ते मध्यम स्वरुपाच्या पावसाची शक्यता वर्तवली आहे. त्यामुळे थंडी जाणवत असतानाच आता पावसाचा अनुभव देखील गोवेकरांना घ्यावा लागणार आहे.

गोवा राज्यात सध्या थंडी ताप असणाऱ्या रुग्णांची संख्या वाढली आहे. यातच वातावरणातील वेगाने होणाऱ्या बदलामुळे आरोग्याची काळजी घेण्याचा सल्ला आरोग्य तज्ज्ञांनी दिला आहे. राज्यात सध्या काही ठिकाणी धुके असल्याचे पाहायला मिळते आहे. तर गोव्यातील ग्रामीण भागात थंडीपासून बचाव करण्यासाठी शेकोट्या सुरु झाल्याचे चित्रही आहे.