Bicholim: भरधाव बसने पादचाऱ्याला दिली धडक; एक गंभीर जखमी

गोवा राज्यात गेल्या दोन दिवसांपासून वाहतूक समस्येचा मुद्दा चर्चेत असून प्रवासादरम्यान अपघातांचे प्रमाण ही वाढले असल्याची नागरीकांत चर्चा आहे. या पार्श्वभूमीवर आज मुळगाव डिचोली मुख्य मार्गावर एका प्रवासी बसने पादचाऱ्याला जोराची धडक दिल्याची घटना घडली आहे.

(One seriously injured in Mulgao to Bicholim main road Karnataka bus accident )

मिळालेल्या माहितीनुसार आज मुळगाव डिचोली मुख्य मार्गावरील पादचाऱ्याला कर्नाटक प्रवासी बसने धडक दिल्याची घटना घडली आहे. हा अपघात मुख्य मार्गावरील तांबडो रस्तो येथे झाला असल्याची माहिती समोर आली आहे.

धडक दिल्याने पादचारी वेगाने फरफटत गेल्याची माहिती अपघातावेळी उपस्थितांनी दिली. मात्र अपघात झाल्यानंतर तातडीने जखमी पादचाऱ्याला जवळच्या रुग्णालयात दाखल करण्यात आले असून जखमीची प्रकृती स्थिर असल्याची माहिती समोर आली आहे. मात्र जखमी व्यक्तीची अधिकची माहिती मिळू शकलेली नाही. रस्त्याने पायी जाणाऱ्यांचा देखील अपघात होत असल्याने यावर सर्वांनी विचार करण्याची वेळ आली असल्याचे स्थानिकांनी म्हटले आहे.