केंद्र सरकारने जाहीर केलेल्या भरडधान्य वर्षानिमित्ताने या भरडधान्यांना प्रोत्साहन मिळावे आणि जनजागृती व्हावी यासाठी विधानसभेत भरडधान्यांच्‍या ‘किट्‌स’चे मंत्री आणि आमदारांना वाटप करण्‍यात आले.

दुपारच्या जेवणाचा बेतही भरडधान्याचाच होता, अशी माहिती सभापती रमेश तवडकर यांनी प्रश्नोत्तराच्या तासानंतर दिली.

एप्रिल 2018 मध्ये भरडधान्यांना ‘पोषकधान्य’ हे नवीन नाव देण्यात आले. त्यानंतर वर्ष 2023 राष्ट्रीय भरड धान्य वर्ष म्हणून घोषित करण्यात आले. पोषक धान्यांचे महत्त्‍व सर्वांपर्यंत पोहाचावे, यासाठी राज्य सरकारकडून विविध उपक्रम राबविण्यात येत आहेत.

विधानसभेच्या पहिल्याच दिवशी सोमवारी मंत्री आमदारांना पोषक धान्यांच्या किट्स वाटण्यात आल्या. याबाबतची सविस्तर माहिती सभापतीनी सभागृहात दिली. राज्यात भरडधान्य महोत्सवाचे आयोजन करण्यात आले होते. या महोत्सवाच्या माध्यमातून या पोषक धान्याची माहिती सर्व जनतेपर्यंत पोहोचावी हा उद्देश होता.

मंत्री, आमदारांना किट्सचे वाटप

पोषक भरडधान्यांचा वापर आहारात केल्यास आरोग्य निरोगी राहण्यास मदत होते, असा संदेश यावेळी देण्यात आला. मंत्र्यांमध्ये जनजागृती निर्माण व्हावी, यासाठी विधानसभेत सर्व मंत्री, आमदांना लाकडी टोपल्यांमध्ये पोषक भरडधान्यांच्या किट्स वाटण्यात आल्या. त्‍याचे, मंत्री आमदारांनी स्वागतही केली. भरड धान्यापासून बनवलेले अनेक पदार्थ दुपारच्या जेवणात ठेवण्‍यात आले होते.