Theft in Temple at Ladfem Bicholim: डिचोली, लाडफे गावातील मंदीरातून चोरट्यांनी चोरी केली आहे. मंदीराचा टाळा तोडून तेथील फंडपेटी चोरी केली. फंडपेटी फोडून त्यातील दहा हजार रूपये चोरी केल्याची माहिती मंदीराच्या पदाधिकाऱ्यांनी दिली आहे.

पोलिसांना या घटनेची माहिती देण्यात आली असून, पोलिसांनी घटनास्थळी दाखल होत पंचनामा केला आहे.

मिळालेल्या माहितीनुसार, डिचोली तालुक्यातील लाडफे गावातील श्री महादेव मंदिरात चोरी झाली आहे. मंदिराचे मुख्य दार तोडून चोरट्यांनी देवळातील फंडपेटी पळवली आहे. फंडपेटी बाहेर घेऊन देवळापासून काही अंतरावर ती फोडली आणि त्यातून दहा हजार रूपये चोरी झाल्याची माहिती समोर आली आहे.

दरम्यान, चोरट्यांनी फंडपेटी तेथेच सोडून घटनास्थळावरून पळ काढला.

घडलेल्या घटनेची माहिती तात्काळ पोलिसांना देण्यात आली, पोलिसांनी घटनास्थळी दाखल होत पंचनामा केला. श्वानांच्या पोलिसांनी सभोवताली शोध घेण्याचा प्रयत्न केला. हाताचे ठसे देखील येथून घेण्यात आले असून, चोरट्यांचा शोध घेण्यासाठी पोलिसांचा तपास सुरू आहे.