मडगाव : मडगावमधील होली स्पिरीट चर्चच्या पाद्रीच्या कक्षात आज गुरुवारी सकाळी अज्ञात चोरट्याने प्रवेश करून दीड लाखांची रोकड लंपास केल्याचा प्रकार उघडकीस आला आहे. याप्रकरणी फातोर्डा पोलीस स्थानकावर तक्रार नोंद करण्यात आली आहे.

याप्रकरणी व्हिक्टर मिनेझिस यांनी पोलिसात तक्रार दिली आहे. आज गुरुवारी सकाळी 6 ते 6.30 च्या दरम्यान ही चोरी झाल्याची प्राथमिक माहिती आहे. अज्ञात चोरटा मागच्या बाजूने पाद्रीच्या कक्षात शिरून त्याने कपाट फोडून आतली रक्कम लंपास केली. चर्चमधील सीसीटीव्ही कॅमेऱ्यावर या चोरट्याची छबी कैद झाली असून पोलीस याबाबत अधिक तपास करीत आहेत.