Goa Police:

पोटच्या मुलीला उघड्यावर टाकून दिल्‍याच्‍या आरोपाखाली अटक केलेल्‍या प्रियांका फर्नांडिस (30) या महिलेला गोवा बाल न्‍यायालयाकडून जामीन मंजूर झाला. 15 हजारांच्‍या हमीवर जामीन मुक्‍त केले.

दरम्‍यान, या महिलेकडून आपल्‍या मुलीला उघड्यावर टाकून देण्‍याची कृती कदाचित काही अपरिहार्य कारणामुळे घडण्‍याची शक्‍यता लक्षात घेऊन या प्रकरणाचे पोलिसांनी पुनरावलोकन करावे, अशी शिफारस बाल अधिकार मंडळाने केली आहे. बुधवारी सकाळी संशयित महिलेने बाळ फेकण्‍याची घटना घडली होती.

...तर आधार द्या!

बाळ वारंवार आजारी पडत असल्‍यामुळे सहनशक्‍ती गमावून संशयित महिलेने ही कृती केली असावी. त्‍यामुळे तिच्‍यावर जे गुन्‍हे दाखल आहेत, त्‍याचा पुनर्विचार करावा, असे एक पत्र गोवा बाल अधिकार आयोगाने दक्षिण गोवा पोलिस अधीक्षक सुनिता सावंत यांना पाठविले आहे. ती जर मानसिक सक्षम नसेल तर तिला आधार द्या, अशीही आयोग अध्‍यक्ष पीटर बोर्जिस यांनी केली आहे.