Manoj Parab Dainik Gomantak
गोवा

Revolutionary Goans: ‘आरजी’ची प्रतिमा मलीन करण्याचा डाव : मनोज परब

भाजपची ‘बी’ टीम असतो तर त्‍या पक्षासोबत गेलो असतो

गोमन्तक डिजिटल टीम

Revolutionary Goans: आज गोवेकरांचा आवाज असणारा एकमेव पक्ष म्‍हणजे रिव्‍होल्‍युशनरी गोवन्‍स (आरजी) आहे आणि तीच आमची ताकद आहे. आम्ही शिवसेनेसोबत जाणार ही अफवा असून आरजीची आणि माझी प्रतिमा मलीन करण्याचा हा डाव आहे.

आम्ही जर भाजपची ‘बी’ टीम असतो, तर त्‍या पक्षासोबत गेलो असतो. आम्‍ही मंत्रिपद मिळविले असते, असे ‘आरजी’चे नेते मनोज परब यांनी सांगितले.

आरजी हाच भाजपचा गोव्यातील एकमेव विरोधक आहे. आमच्या आमदाराला विधासभेत बोलायला दिले जात नाही. जर आम्‍ही भाजपची ‘बी’ टीम असतो तर एवढा खटाटोप कशासाठी केला असता?

आरजी पक्ष सुरूवातीपासून स्वतंत्र आहे आणि पुढेही स्वतंत्र विचारधारेनेच पुढे जाईल. तो कुठल्याच पक्षाबरोबर युती करणार नाही. आम्ही यापूर्वीही कधीच कुठल्या पक्षासोबत युती केली नव्हती आणि यापुढेही करणार नाही, असे परब म्‍हणाले.

अडसूळ यांना कधीच भेटलेलो नाही

शिवसेनेचे नेते आनंदराव अडसूळ हे आपल्याला भेटल्याचे आणि आपण वारंवार महाराष्ट्राच्‍या मुख्यंमत्र्यांच्या निवासस्थानी तसेच कार्यालयात जात असल्‍याचे बोलले जात आहे. आम्ही केवळ एकदाच मुख्यमंत्री एकनाथ शिंदे यांना भेटलो.

कधीच आजतागायत अडसूळ यांना भेटलेलो नाही. जर अडसूळ आणि माझी एकदा तरी भेट झाली असेल तर त्यांनी फोटो दाखवावेत. अडसूळांसारख्या चिरीमिरी नेत्यांना आपण भेटत नसतो. त्यामुळे असले घाणेरडे राजकारण सोडून द्या, असा सल्ला परब यांनी दिला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sri Lankan Cricketer Ban: आयसीसीची मोठी कारवाई! मॅच फिक्सिंग प्रकरणी श्रीलंकन खेळाडू दोषी; 5 वर्षांची घातली बंदी

Goa Beef Shortage: गोव्यातील गोमांस पुरवठा साखळीला ब्रेक, गोरक्षकांच्या कथित हल्ल्यांविरोधात महाराष्ट्र कर्नाटकात संप!

GST 2.0: जीएसटीच्या नव्या दरांची लवकरच घोषणा! सिगारेटवर द्यावा लागणार 40 टक्के कर; केंद्र सरकारचा नवा प्रस्ताव

Viral Video: पाकिस्तानी तरुणीची देशभक्ती पाहून लोक थक्क, स्वातंत्र्य दिनी गायलं 'भारतीय गाणं'; सोशल मीडियावर व्हिडिओ व्हायरल!

Honour Killing: डॉक्टर बहिणीची लहान भावानेच केली गोळ्या झाडून हत्या; थरकाप उडवणाऱ्या घटनेबाबत धक्कादायक खुलासा

SCROLL FOR NEXT