Zonal Agriculture Office Ponda Roof Collapse: फोंड्यातील विभागीय कृषी कार्यालयाचे छत कोसळले आहे. शनिवारी ही घटना घडल्याचे समजते. तात्पुरत्या स्वरूपात येथे ताडपत्री लावून आत पावसाचे पाणी पडू नये म्हणून सोय केल्याचे दिसून येत आहे.

दरम्यान, या घटनेत कुणीही जखमी झालेले नाही. ही इमारत खूप जूनी आहे. ती मोडकळीस आल्याचे बोलले जात होते. सध्या हे कार्यालय बेतोडा येथे स्थलांतरीत करण्यात आले आहे.

गेल्या काही दिवसात गोव्यात पावसाला सुरवात झाली आहे. पावसाची उघडझाप सुरू आहे. त्यातच या कार्यालयाचे छत कोसळल्याने सुरवातीला कर्मचाऱ्यांची तारांबळ उडाली होती.