पणजी: ऑगस्टच्या (August) अखेरीस पावसाने आज शंभरी गाठली. (The rain reached a hundred today) जून आणि जुलैमध्ये (June and July) थैमान मांडलेल्या पावसाने (Rain) ऑगस्टमध्ये पूर्णतः विश्रांती घेतली. त्यामुळे गतवर्षीच्या तुलनेत यंदा पावसाला शतक गाठण्यास उशीर झाला. गेल्यावर्षी १३ ऑगस्टला पावसाने शतक गाठले होते. रविवारपासून (ता.२९) १० सप्टेंबरपर्यंत राज्यात अतिवृष्टीची शक्यता (Chance of heavy rains in the state) वर्तविली जात आहे. सलग तीन दिवस ‘यलो अलर्ट’ जाहीर करण्यात आला आहे.

राज्यात मान्सून वेळेत म्हणजे ५ जूनला दाखल झाला. त्यानंतर सहा दिवस अत्यंत संथगतीने सक्रिय होता. १२ तारखेपासून मान्सून वेगाने सक्रिय झाला, तो २७ जूनपर्यंत संततधार बरसला. पुन्हा ९ जुलैला मान्सूनने राज्यात थैमान घातले. २३ जुलैपर्यंत पावसाने राज्यात अक्षरशः हाहाःकार माजविला. याकाळात राज्यातील अनेक भागांना महापुराचा फटकाही बसला. २९ जुलैपासून राज्यात पावसाचा जोर ओसरला. १ ऑगस्टपासून सरासरीत मोठी घट झाली.