Mopa International Airport मोपा आंतरराष्ट्रीय विमानतळावर पेडणे तालुक्यातील युवकांना टॅक्सी स्टॅंड मिळावे, यासाठी गेल्या नोव्हेंबरपासून आम्ही गांवागांवात जनजागृती करण्यासाठी बैठका घेतल्या.

धरणे आंदोलन केले, वाहतूक खाते, सरकारला याबाबत निवेदन दिले. या त्यांच्याबरोबर वेळोवेळी बोलणी केली व आमच्या मागण्यांची बाजू मांडली.

या सर्वाची फलनिष्पत्ती म्हणजे सरकारने आमची मागणी मान्य केली असून येत्या दहा पंधरा दिवसात टॅक्सी स्टॅंड अधिसूचित करून टॅक्सी स्टॅंडचा प्रश्न मार्गी लागणार आहे, असे सुदीप ताम्हणकर यांनी पत्रकार परिषदेत बोलताना सांगितले.

ताम्हणकर म्हणाले, टॅक्सी स्टॅंड बाबतीत मुख्यमंत्री डॉ. प्रमोद सावंत यांनी चांगले सहकार्य केले. मंत्री माविन गुदिन्हो यांनीही हा प्रश्‍न गंभीरपणे घेतला. आमदार आर्लेकर यांनी हा विषय मुख्यमंत्र्यांकडे पोचविला.

त्यामुळे टॅक्सी स्टँडबाबत नवा आदेश काढला जाणार आहे. मुख्यमंत्र्यांनी 300 जणांच्या नावांची शिफारस केली आहे. हे टॅक्सी स्टॅंड पेडणे तालुक्यातील बॅच धारकांसाठी आहे.