Goa Crime News: फोंडा तालुक्यातील बेताळभाट-सावईवेरे येथील योगेश्‍‍वर सुरेश सावंत या ३६ वर्षीय पोलिस कॉन्स्टेबलने राहत्या घरी गळफास घेऊन आत्महत्या केल्याची हृदयद्रावक घटना मंगळवारी सकाळी उघडकीस आली.

योगेश्‍‍वर पोलिस खात्याच्या भारतीय राखीव दलात (आयआरबी) रायबंदर स्थानकात सेवा बजावत होता. आत्महत्येचे नेमके कारण समजू शकले नाही.

परंतु गेल्या काही दिवसांपासून तो मानसिक तणावाखाली असल्याचे समजते. सुमारे पाच वर्षांपूर्वी योगेश्‍‍वरचे वडील सुरेश सावंत (मूळ रा. एकोशी-पोंबुर्फा) तर आठ महिन्यांपूर्वी आईचा मृत्यू झाला होता.

कोलव्‍यात युवकाने केली आत्‍महत्‍या

मोरपिर्ला येथील सिद्धेश वेळीप या 26 वर्षीय युवकाने कोलवा परिसरात गळफास घेऊन आत्‍महत्‍या केली. आत्‍महत्‍येचे कारण समजू शकले नाही.

पोलिसांनी दिलेल्‍या माहितीनुसार, आत्‍महत्‍येची घटना १९ नोव्‍हेंबर रोजी मध्‍यरात्री घडली. कोलवा पोलिसांनी अनैसर्गिक मृत्‍यू म्‍हणून या घटनेची नोंद केली आहे. पोलिस उपनिरीक्षक सुभाष गावकर तपास करीत आहेत.