Arpora News: हडफडे येथील फुटबॉल सामन्यात मारामारी झाल्याची घटना समोर आली आहे. एका खेळाडुने थेट पंचांनाच कानशिलात लगावली आहे. या प्रकरणी संबंधित खेळाडूवर कडक कारवाई होण्याची शक्यता आहे. संपुर्ण मारहाणीचा व्हिडिओदेखील समोर आला आहे.

भाजप युवा मोर्चातर्फे हडफडे येथील फुटबॉल मैदानावर कळंगुट इंटरवर्ड फुटबॉल स्पर्धेचे आयोजन करण्यात आले आहे. या स्पर्धेत आगरवाड्डो विरूद्ध कामुटीन वाड्डो या दोन संघांत सामना सुरू होता. यावेळी आगरवाड्डोच्या खेळाडूंनी पंच अधिकाऱ्यांना मारहाण केली.

या खेळाडूची मैदानातील पंचांशी बाचाबाची झाली होती. त्याने थेट त्या पंचांच्या दिशेने धाव घेत त्यांच्या कानशिलात लगावली. त्यामुळे सामना तिथेच थांबवण्यात आला. संघातील इतर खेळाडू आणि इतर वरिष्ठांनी हस्तक्षेप करून हा वाद सोडवल्याचे कळते.