Sanjivini Sugar Factory Dainik Gomantak
गोवा

Sanjivini Sugar Factory: ‘संजीवनी’ कामगारांना ‘व्हीआरएस’चा फतवा

99 जणांवर कोसळणार बेरोजगारीची कुऱ्हाड

गोमन्तक डिजिटल टीम

Sanjivini Sugar Factory  संजीवनी साखर कारखान्याच्या कामगारांना स्वेच्छा निवृत्ती घेण्यासंबंधीचा फतवा कृषी खात्याच्या संचालकांनी काढला आहे. यासंबंधीचा आदेश संजीवनीच्या प्रशासकांना गुरुवारी देण्यात आला असून 99 कामगारांना घरी पाठवण्याची तयारी सरकारने केली आहे.

दयानंदनगर-धारबांदोडा येथील संजीवनी साखर कारखाना गेली तीन वर्षे बंदच आहे. या कारखान्याचा दैनंदिन खर्च व कामगारांचा पगार यासाठी सरकारच्या अर्थ खात्याकडून तजवीज करण्यात येते. कारखान्यात सध्या 177 कामगार आहेत. त्यातील 78 कामगार कंत्राटी तत्त्वावर असून उर्वरित 99 कामगार पूर्णवेळ आहेत.

कारखाना बंद असला, तरी तीन वर्षांसाठी सरकारने तरतूद केली होती. ही तीन वर्षांची तरतूद यंदा समाप्त होत असून पुढील दोन वर्षांसाठी आणखी तजवीज करण्याची मागणी अर्थ खात्याकडे केली होती;

पण अर्थ खात्याने संजीवनीच्या कामगारांना स्वेच्छा निवृत्ती लागू करा, असे सूचवल्याने स्वेच्छा निवृत्तीसंबंधीचे पत्र कृषी खात्याचे संचालक नेव्हिल आफोन्सो यांनी संजीवनीचे प्रशासक सतेज कामत यांना 1 जून रोजी पाठवले.

भाजप सरकारने जनतेच्या हिताचे निर्णय कधीच घेतलेले नाहीत. संजीवनी कारखान्याच्या जागेवर राजकीय नेत्‍यांचा डोळा आहे.

कामगारांना स्वेच्छा निवृत्ती देऊन भाजप सरकारने माजी मुख्यमंत्री स्व. भाऊसाहेब बांदोडकर यांच्या स्वप्नातील संजीवनी कारखानाच हिरावून घेतला आहे. कामगारांच्या हातांना काम द्या, त्यांची रोजीरोटी हिसकावून घेऊ नका.

- अमित पाटकर, प्रदेशाध्यक्ष, काँग्रेस.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shadashtak Yog 2026: सूर्य-चंद्राचा अशुभ योग! 'या' 3 राशींच्या नोकरी-व्यवसायात वाढणार अडचणी; आर्थिक नियोजन कोलमडणार?

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

SCROLL FOR NEXT