Goa Corruption News: सेवानिवृत्त वरिष्ठ अधिकारी आणि पशुसंवर्धन खात्याचे माजी संचालक पी. के. पाटीदार यांना 2010 सालच्या लाच प्रकरणात पणजी विशेष न्यायालयाने आज, बुधवारी दोषी ठरवले.

एसीबीने 2010साली पाटीदार यांना 15 हजार रुपयांची लाच घेताना रंगेहाथ पकडले होते. त्यांच्या कार्यालयातील एका व्यक्तीकडून गुरांना चारा म्हणून वापरल्या जाणाऱ्या सुक्या गवताच्या पुरवठ्याबाबत एसीबीकडे तक्रार आली होती.

पाटीदार यांनी २२ लाख रुपयांचा चेक क्लियर करण्यासाठी लाच मागितल्याचे फिर्यादीमध्ये म्हटले आहे. त्यांना आज न्यायालयाने एक वर्षाचा तुरुंगवास आणि ३५ हजार रुपयांचा दंड ठोठावला.

एसीबीने या अधिकाऱ्या विरोधात न्यायालयात आरोपपत्र दाखल केले होते. मात्र सुनावणीला दीर्घ काळ झाला आहे.