वाळपई: ठाणे - डोंगुर्ली पंचायतीने आपल्या क्षेत्रातील वीज समस्या सोडविण्यासाठी हेल्पलाईन क्रमांक जारी केला आहे. या ‘हेल्पलाईन’चे अनावरण आज पर्येच्या आमदार डॉ. दिव्या राणे यांच्या हस्ते करण्यात आले. यावेळी ठाणेचे सरपंच नीलेश परवार, उपसरपंच तनया गावकर, पंच सरिता गावकर, अनुष्का गावस, सोनिया गावकर, सुभाष गावडे, विनायक गावस आदी उपस्थित होते.
आमदार डाॅ. दिव्या राणे म्हणाल्या, ठाणे पंचायतीने उचललेले हे मोठे पाऊल असून या अभिनव उपक्रमातून ठाणे पंचायतीत विजेसंबंधी समस्या कमी होण्यास मदत होणार आहे. यंदा मोठ्या प्रमाणात पाऊस पडल्याने वीज समस्या जाणवत होती. त्यामुळे अनेक ठिकाणी वीजपुरवठा वारंवार खंडित होण्याचे प्रकार घडत होते.
सरपंच नीलेश परवार म्हणाले, अशी हेल्पलाईन सुरू करणारी ठाणे ही पहिली पंचायत आहे. आता कुणालाही विजेसंबंधी समस्या भासली, तर त्यांनी जारी केलेल्या हेल्पलाईन नंबरवर संपर्क साधावा. हेल्पलाईन मंत्री विश्वजीत राणे व आमदार डाॅ. दिव्या राणे यांच्या मार्गदर्शनाखाली जारी करण्यात आलेली आहे. विजेसंबंधी तक्रारीसाठी पंचायत क्षेत्रातील नागरिकांनी ९४०३०८६१५८ या हेल्पलाईनवर संपर्क साधावा.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.