उत्तर गोव्याचे (North Goa) मस्तक म्हणून पेडणे (Pernem) तालुका ओळखला जातो. याच पेडणे तालुक्यात तेरेखोल नदी पलीकडे तेरेखोल वासीयांना ये-जा करण्यासाठी गोवा मुक्त होवून अर्धे शतक उलटले तरीही बेभरावश्या फेरीबोट सेवेवरच अवलंबून राहावे लागते. आज पर्यंत पाणी (Water) वीज (Electricity) या मुलभूत सेवा राज्य सरकार पुरवण्यासाठी अपयशी ठरला आहे, त्यामुळे या महत्वाच्या सेवेसाठी शेजारच्या सिंधुदुर्ग महाराष्ट्र (Sindhudurg Maharashtra) राज्य सरकारवर या तेरेखोलवासियांना अवलंबून रहावे लागते.

याची गंभीर दखल घेवून तत्कालीन मुख्यमंत्री प्राचार्य लक्ष्मिकान्त पार्सेकर यांनी या नदीवर 75 कोटी रुपये खर्च करून पूल उभारण्यासाठी पायाभरणी केली होती . केरीच्या बाजूने पुलाचे काम पूर्ण झाले मात्र तेरेखोल नदीतील खांब घालण्यासाठी प्रयत्न झाला . त्यावेळी या पुलावरून जो तो उठून राजकारण करू लागला . पूल बांधताना पर्यावरण दाखला घेतला नसल्याचा दावा करत गोवा फौंडेशन संस्थेने हरिद लवादाकडे याचिका दाखल केल्याने या कामाला स्थगिती मिळाली . गेल्यावर्षी हरिद लवादाकडून या पुलाला हिरवा कंदील मिळाला आहे.

त्यामुळे भविष्यात या पुलाचे काम होणार आहे. मात्र सरकारने निधी उपलब्ध करून दिला तर पुलाचे रखडलेले काम मार्गी लागणार आहे . पेडणे तालुक्यातील केरी तेरेखोल पंचायत क्षेत्राचा एक तेरेखोल प्रभाग हा तेरेखोल नदीच्या पलीकडे असल्याने तेरेखोल भाग हा राज्याचा कि महारास्ट्र राज्याचा असा कधी कधी प्रश्न पडतो. कारण गोवा मुक्त होवून अर्धे शतक उलटले तरीही या तेरेखोलवासियाना आजपर्यंत गोव्यातून वीज, शिक्षण, पाणी, आरोग्य सेवा याचा पुरवठा होत नाही. त्यांना महाराष्ट्र भागातून सोयी पुरवल्या जातात.