पणजी - मळा परिसरात पाणी व्यवसाय तेजीत आहे. दररोज या ठिकाणाहून शेकडो टँकर पाणी ठिकठिकाणी पुरविले जाते. रविवारी सायंकाळी टँकर उभा करण्यावरून चालक आणि स्थानिकांत वाद झाला. त्यामुळे या परिसरात तणाव निर्माण झाला होता. अखेर पोलिसांना बोलविल्यानंतर तणाव निवाळला.

चालक आणि स्थानिकांत वाद झाल्याने लोकांनी गर्दी केली होती. त्याशिवाय स्थानिकांनी टँकर मालकाला बोलावून घेतल्यानंतर तो वाद मिटल्याची माहिती येथील नागरिकांनी दिली.

याबाबत स्थानिक नगरसेवक निलेश मोरजकर यांच्याशी संपर्क साधला तेव्हा त्यांनी वाद मिटल्याच्या वृत्ताला दुजोरा दिला.

वाद चिघळण्याची शक्यता दिसल्याने व वाहतूक कोंडी झाल्याने पोलिसांना पाचारण करण्यात आले होते.