Goa : चोर्ला घाटात अपघातांची मालिका सुरुच आहे. वाढणाऱ्या अपघातांच्या विविध घटनांमुळे हा घाट मृत्यूचा सापळा बनत चालला आहे. आज शुक्रवारी टेम्पो ट्रॅव्हल्सचा घाटात अपघात झालाय. ही ट्रॅव्हल्स कर्नाटकातील होती. या अपघातात जामखंडी कर्नाटक येथील 12 प्रवासी जखमी झाले आहे. सर्व जखमींना साखळीतील रुग्णालयात दाखल करण्यात आले आहे.

1 डिसेंबर रोजी चोर्ला घाटात महाराष्ट्रातील अर्टिगा कारचा (MH-48-BT- 5968) रात्री साडे दहा वाजण्याच्या सुमारास एका कारचा भीषण अपघात झाला होता. चोर्ला घाटातील खोल दरीत कार कोसळल्याने हा अपघात झाला होता. या अपघातात दोघांचा जागीच मृत्यू झाला होता तर चारजण जखमी झाले होते.

दरम्यान, या अपघातामध्ये नूर शेख आणि सुधीर कुमार (दोघेही रा. महाराष्ट्र) या दोघांचा जागीच मृत्यू झाला तर, इतर चारजण जखमी झाले. वाळपई अग्निशमन दलाच्या जवानांनी घटनास्थळी धाव घेत जखमींना बाहेर काढले.