पिसुर्ले: वाळपईहून होंडाच्या दिशेने जाणारा टेम्पो (जीए ०३ -एन-४५९९) भुईपाल कॉलनी येथे पोचला असता अचानक रस्त्यावर गुरे आडवी आल्याने वाहनचालकाचा टेम्पोवरील ताबा सुटून अपघात घडला. हा अपघात मंगळवारी सायंकाळी चारच्या दरम्यान घडला. सुदैवाने कोणालाही इजा झाली , मात्र वाहनाचे नुकसान झाले.

मिळालेल्या माहितीनुसार हा टेम्पो सार्वजनिक बांधकाम खात्याच्या रस्ता विभागासाठी कार्यरत असून कामगारांना घेऊन हा टेम्पो डिचोलीकडे जात होता. मात्र भुईपाल येथे एका छोट्या वळणावर अचानक गुरे आडवी आल्याने चालकाचा वाहनावरील ताबा सुटला व गुरांना वाचविताना हा टेम्पो सुमारे पंचवीस मीटर बाहेर जाऊन तुकाराम पिरणकर यांच्या संरक्षणभिंतीला धडकला.

यावेळी टेम्पोच्या केबिनमध्ये वाहनचालकासह सार्वजनिक बांधकाम विभागाचे कर्मचारी होते. तसेच मागील हौदात कामगार बसलेले होते. सुदैवाने कोणालाही इजा झाली नाही. मात्र यात वाहनाचे तसेच संरक्षण भिंतीचे बरेच नुकसान झाले आहे.

गोवा

मोकाट गुरांचा संचार वाढला

होंडा परिसरात मोकाट गुरांचा संचार वाढला असून ही गुरे वाहतुकीसाठी मोठी अडसर ठरत आहेत. यामुळे सतत छोटे मोठे अपघात घडत आहेत. पंचायतीने या मोकाट गुरांचा बंदोबस्त करण्यासाठी पावले उचलावीत अशी मागणी नागरिकांकडून होत आहे.