उत्तर आणि दक्षिण गोवा जिल्ह्यांमध्ये मागील 24 तासांच्या तुलनेत तापमानात अंदाजे 1 ते 2 अंशांनी वाढ होण्याची शक्यता हवामान खात्याच्या वेधशाळेद्वारे वर्तवली आहे. त्यामुळे पुढील दोन-चार दिवस तापमान वाढीमुळे गोवेकर हैराण होण्याची शक्यता आहे. (Goa Weather News)

गुरुवारी पणजीतील (Panaji) तापमान 32.6 डिग्री सेल्सियस आणि शुक्रवारी 32.5 डिग्री सेल्सियस होते. शनिवारी पणजीत कमाल तापमान 32.5 डि. से., तर किमान तापमान 21.00 डि. से. होते. राजधानी पणजीत 2009 साली सर्वाधिक कमाल तापमानाची नोंद 39.2 डिग्री सेल्सियस एवढी झाली होती.

गोव्याचे (Goa) तापमान वाढू लागले आहे. राज्‍याच्‍या काही भागांमध्ये सकाळी कडक ऊन आणि रात्रीची थंडी पडते. त्‍यामुळे आरोग्याच्या समस्या उद्‌भवू लागल्‍या आहेत. आता शाळाही सुरू झाल्यामुळे मुलांना कडक उन्हाचा सामना करावा लागू शकतो. थंड पेय, शहाळे, विविध फळांचे ज्‍युस, लस्सी आदी पेयांकडे लोक वळू लागले आहेत.