Mumbai-Goa Vande Bharat Express
मुंबई: तांत्रिक अडचणीमुळे मुंबई गोवा वंदे भारत एक्सप्रेस सुमारे दीड तास उशीराने धावली. दीवा स्थानकाजवळ आलेल्या तांत्रिक अडचणीचा सोमवारी (२३ डिसेंबर) सबअर्बन ट्रेन वाहतुकीसह मुंबई गोवा वंदे भारत एक्सप्रेस फटका बसला. ट्रेनला ८७ मिनिटे विलंब झाल्याने ही ट्रेन नंतर कल्याणमार्गे वळवण्यात आली.
मुंबई गोवा वंदे भारत एक्सप्रेस पहाटे ५.२९ वाजता सुटली खरी पण ठाणे स्थानक ओलंडल्यानंतर ट्रेनला तांत्रिक अडणीचा सामना करावा लागला. सेंट्रल रेल्वेने दिलेल्या माहितीनुसार, दिवा येथे आलेल्या तांत्रिक अडचणीमुळे एरव्ही पनवेलमार्गे धावणारी ट्रेन कल्याणमार्गे वळवण्यात आली. यामुळे मुंबई गोवा वंदे भारत एक्सप्रेसला ८७ मिनिटे विलंब झाला.
गेल्या वर्षी मुंबई गोवा वंदे भारत एक्सप्रेस सेमी हायस्पीड ट्रेन सुरु करण्यात आली. या ट्रेनचा प्रवास साधारपणे सात तास ४५ मिनिटात पूर्ण होतो. दरम्यान, सोमवारी ट्रेनला दीड तासांचा विलंब झाल्याने ट्रेन उशीराने गोव्यात दाखल झाली. यामुळे प्रवाशांचा मोठा खोळंबा झाला.
मुंबई-गोवा (मडगाव) वंदे भारत एक्स्प्रेस आठवड्यातून सहा दिवस धावते. एक्सप्रेस सोमवार, मंगळवार, बुधवार, गुरुवार, शनिवार आणि रविवार चालते. प्रवासादरम्यान ट्रेन दादर, ठाणे, पनवेल, खेड, रत्नागिरी, कणकवली आणि थिवी येथे थांबा घेते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.