Tamnar Project : पणजी, तम्नार वीज निर्मिती प्रकल्पाचे काम ५० टक्के पूर्ण झाले आहे. हा प्रकल्प पुढे नेण्यासाठी राज्य सरकारच्या वन आणि वीज खात्याला पाठपुरवठा करण्याचे निर्देश केंद्र सरकारच्या सचिवांनी दिले आहेत.

या प्रकल्पाचा आढावा घेण्यासाठी दिल्लीत अधिकाऱ्यांची बैठक झाली. या बैठकीत हे निर्देश देण्यात आले आहेत.

राज्य सरकारमधील सूत्रांनी याबाबत माहिती दिली. तम्नार प्रकल्प पूर्ण करण्यासाठी ३१ मे २०२५ ही नवी मुदत निश्चित करण्यात आली आहे.

प्रकल्पाचे काम समाधानकारक पद्धतीने सुरू आहे. गोवा राज्य सरकारच्या वन आणि वीज खात्याने उर्वरित कामे पूर्ण करून ती पुढे नेण्याची शिफारस या बैठकीत केली आहे.