काणकोण, पणसुले येथील विल्सन फर्नांडिस यांचा मृतदेह सकरेव्हाळ येथे निर्जनस्थळी संशयास्पद अवस्थेत रविवारी पहाटे आढळला. या परिसरातच गावठी बॉम्ब आणि काही काडतुसेही सापडली आहेत. त्यामुळे त्यांच्या मृत्यूबाबत तर्कवितर्क व्यक्त केला जात आहे.
सकरेव्हाळ येथील बार ॲण्ड रेस्टॉरंट विल्सन यांनी चालवायला घेतला आहे. शनिवारी रात्री ११ वाजता बार बंद करून ते घरी जाण्यासाठी निघाले. उत्तररात्री साडेतीनच्या सुमारास बारमधील एका वेटरने बारमालकाला जागवून विल्सन रस्त्याच्या कडेला पडले असल्याचे सांगितले. घटनास्थळी गेल्यानंतर बारमालकाला विल्सन रक्ताच्या थारोळ्यात पडल्याचे दिसून आले. त्यांना काणकोण आरोग्य केंद्रात हलविले.
मात्र, डॉक्टरांनी त्यांना मृत घोषित केले. विल्सन यांचा मृत्यू
कशामुळे झाला हे अद्याप कळलेले नाही. फॉरेन्सिक पथकाने पोलिसांसमवेत घटनास्थळी तपासणी केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.